Lo repertòri que comprén mei o mens ua òra e mieja de tèmas tradicionaus armonisats e interpretats a las mòdas vasca e gascona.
Musicas tradicionaus deus dus costats deus Pirenèus occidentaus, deu Biarn, de las Lanas e deu País Vasco, que hèn lo repertòri de las cantas, danças e melodias de Xarnege.
En dehòra de la proximitat geografica, la Gasconha e Euskal Herria que partatjan ua tropa de trèits culturaus e etnografics, la musica que n'ei un de mei.
La musica de Xarnege qu'ei tradicionau, rica en tonalitats arcaïcas de mau classificar. Qu'ei sus lo son ritme que dançam e cantam coma ac hasón los nostes ajòus.
Qu'avem hicat en davant las melodias qui apartienen a la dobla cultura e qu'avem mei precisament perfeccionat l'instrumentacion, entà respectar lo tribalh de Joan (laütèr e cercaire dens lo maine deu folclòre deu son país), qui a hèit la màger part deus instruments utilizats peu grop en los concèrts.
